Newyddion Diweddaraf

31 Mawrth 2023

Annwyl ddysgwyr, rhieni a gwarcheidwad,

Dyma ni wedi cyrraedd diwedd tymor ysgol llwyddiannus arall ac felly mae’n amserol i ddiolch i chi gyd am eich cefnogaeth i’n hysgol dros y blynyddoedd, ond yn benodol yr wythnos hon.

Mae wedi bod yn fraint i ni gael rhannu ein hysgol gydag arolygwyr Estyn yr wythnos hon. Ni chaf rannu cynnwys yr adroddiad tan iddo gael ei gyhoeddi ar 05.06.23, ond hoffwn i ddiolch i bawb am eu gwaith caled a chefnogol yn ystod yr ymweliad. Rydw i’n ymfalchïo’n fawr yn yr hyn a welodd Estyn a’r profiadau a gawsant wrth drafod â dysgwyr, rhieni, staff a llywodraethwyr. Daethant i adnabod a deall gwerthoedd ac effaith Tîm Llan a’r gwaith ardderchog sydd yn digwydd yma. Felly, diolch yn fawr iawn i chi gyd.

Bydd nawr yn gyfle haeddiannol i ni fwynhau’r gwyliau ac i atgoffa dysgwyr y blynyddoedd hŷn bod y cyfnod arholiadau yn agosáu ac yn cychwyn yn fuan wedi i ni ddychwelyd. Mae’n bwysig felly i gymryd y gwyliau i drefnu eich gwaith, cychwyn adolygu, ond i fwynhau yn ogystal.

Rwy’n dymuno Pasg hapus i chi gyd.

31 March 2023

Cofion,

Meurig Jones

Prifathro

Gwybodaeth i Rhieni – Estyn

Llythyr at rieni re Estyn Mawrth 23

Yn dilyn trafodaethau gyda’n cwmniau bws a’r rhagolygon am fwy o eira i ddod hwyrach y bore yma. Rydym wedi gwneud y penderfyniad i gau yr ysgol heddiw Dydd Mercher 08.03.23

Following conversation with bus companies and further snow expected later this morning, we have decided to close the school today, Wednesday 08.03.23

Diolch am eich cefnogaeth a chydweithrediad / Thank you for your support and cooperation.

Meurig Jones

Dyma gyfle arbennig i ymuno ag ysgol flaengar a llwyddiannus mewn cyfnod cyffrous yn ei
hanes. Mae gennym dîm brwdfrydig o staff sydd yn ymroi’n llwyr i gynnal safonau uchaf o ddysgu
ac addysgu a chyflawniad dysgwyr. Chwiliwn am berson brwdfrydig ac ymroddgar i gynorthwyo
gyda’r gwaith gweinyddol yn yr ysgol, yn benodol gwaith dyblygu ynghyd â gwaith llungopïo,
gweinyddol cyffredinol a chymorth cyntaf.

Hysbyseb Cynorthwy-ydd Clerigol-Mai 23 cy

Mae’r gallu i siarad cymraeg yn bwysig ar gyfer y swydd yma.

(gwahoddir ceisiadau gan unigolion sy’n arbenigo o fewn unrhyw agwedd o’r pwnc)

Llawn amser a pharhaol (ystyrir ceisiadau am ran amser yn ogystal)

Graddfa Gyflog Athrawon

ar gyfer Medi 2023

Dyma gyfle arbennig i ymuno ag ysgol hapus, blaengar a llwyddiannus, ble mae gennym dîm brwdfrydig a thalentog o staff sydd yn ymroi’n llwyr i gynnal y safonau uchaf o ddysgu ac addysgu a chyflawniad ein dysgwyr. Ysgol Gyfun Gymraeg Llangynwyd yw unig ysgol uwchradd Gymraeg sir Pen-y-bont ar Ogwr ac o ganlyniad i’n perfformiad da, rydym wedi ei sefydlu fel ysgol sydd â safonau uchel a gweledigaeth glir. Lleolir yr ysgol i’r de o bentref hanesyddol Llangynwyd, llai na 10 munud o gyffordd 36 yr M4. Mae iddi gysylltiadau rhwydd a pharod o Abertawe i’r gorllewin (llai na 30 munud) a Chaerdydd i’r dwyrain (25 munud). Mae’r ysgol yn gweithio’n agos gydag ysgolion uwchradd eraill wrth ddatblygu ein cwricwlwm newydd, ynghyd â chynnig amryw o gyfleoedd datblygiad proffesiynol i’n staff.

Am ragor o wybodaeth cliciwch ar y linc isod

athroawes-dylunio-a-thechnoleg

Gwarchodwyr Arholiadau / Examination Invigilators
ar gyfer Mai-Mehefin 2023 / initially for May-June 2023
SCP 2 £10.60 yr awr / SCP 2 £10.60 per hour

Rydym yn bwriadu cynyddu ein tîm o warchodwyr arholiadau ysgol. Mae’r oriau gweithio’n hyblyg ond
disgwylir bod yr unigolion perthnasol yn gallu mynychu yn ystod diwrnodau ysgol yn ystod y flwyddyn
ysgol ond yn bennaf rhwng Tachwedd, Rhagfyr, Ionawr, Mai a Mehefin.

Am ragor o wybodaeth, cliciwch ar y linc isod.

hysbyseb swydd gwarchodwyr arholiad 2023

Rydym yn bwriadu cynyddu ein tîm o warchodwyr arholiadau ysgol. Mae’r oriau gweithio’n hyblyg ond
disgwylir bod yr unigolion perthnasol yn gallu mynychu yn ystod diwrnodau ysgol yn ystod y flwyddyn
ysgol ond yn bennaf rhwng Tachwedd, Rhagfyr, Ionawr, Mai a Mehefin.  Am rhagor o wybodaeth cliciwch ar y linc isod.

hysbyseb swydd gwarchodwyr arholiad 2023