Mabolgampau’r Ysgol
Annwyl Riant / Warcheidwad,
Ar Ddydd Mercher 19eg o Orffennaf, cynhelir Diwrnod Mabolgampau Ysgol Gyfun Gymraeg Llangynwyd yng Nghanolfan Athletau Abertawe.
Bydd y bysiau yn casglu eich plentyn fel arfer ac yn mynd yn syth i’r Stadiwm yn y bore ac yn casglu y disgyblion oddi yno am 2.30pm. Ni fydd y bysiau yn dychwelyd i’r ysgol ond yn cludo eich plentyn syth adref. Bydd amser casglu a dychwelyd y disgyblion mor agos a phosibl i ddiwrnod ysgol arferol. Bydd bws yn cludo y disgyblion hynny sydd yn cerdded i’r ysgol a disgyblion o Faesteg sy’n teithio ar fysiau Llynfi yn gadael o safle’r ysgol am 8.30am. Disgwylir iddynt fod yno yn brydlon, byddant yn dychwelyd ar gyfer 3.15pm ac yn mynd adref o safle’r ysgol fel arfer. Ni chaniateir rhieni i wylio’r gystadlaeaeth hon.
Bydd pecyn bwyd ysgol yn cael ei ddarparu i’r rhai sy’n derbyn cinio rhad. Bydd disgwyl i bob disgybl ddod â phecyn bwyd a digon o ddŵr yn ogystal a eli haul ac i wisgo crys T lliw eu llys, gwaelodion tracwisg ar gyfer y dydd a siorts du ar gyfer cystadlu.
Gobeithiwn unwaith eto eleni i gael diwrnod mabolgampau hwylus a llwyddiannus, ble fydd pob dysgwyr yn cyfrannu at lwyddiant eu llysoedd mewn awyrgylch gefnogol a chynhwysol.
Yn gywir/Yours Sincerely,
Mr Meurig JONES Mr Iwan JONES
Headteacher Leader of Health and Wellbeing